– QMDB-ǵa qarasty "Hıkmet TV" stýdıasy arqyly 30 kún oraza boıy bilikti ımamdarymyz ben ustazdarymyzdyń qatysýymen "Otyz kúnge – otyz ýaǵyz" atty onlaın joba dáristeri júrgiziledi. Bul joba úıden shyqpaı, mańyzdy ári ǵıbratty taqyryptar tóńireginde bilikti din qyzmetkerleri men ǵalymdardyń nasıhatyn tyńdaýǵa múmkindik jasaıdy", – dedi bas múftı.

Naýryzbaı qajy sondaı-aq orazada onlaın hatym oqylatynyn habarlady.

– "Hıkmet TV" stýdıasy arqyly Ramazan aıynda kún saıyn Respýblıkalyq "Áziret Sultan" meshitinde bir saǵat arnaıy onlaın-hatym oqylyp, qasıetti Qadyr túninde Quran Hatym duǵasy jasalady. Sondaı-aq muslim.kz ınstagram paraqshasy arqyly onlaın rejımde "Áziret Sultan" meshiti ımamdary kúndelikti "Batamen el kógerer" atty duǵa jasaý rásimi uıymdastyratyn bolady, – dedi Naýryzbaı qajy Taǵanuly.

Baspasóz konferensıasynda naıb múftı Ershat Ońǵarov QMDB Tóralqa májilisinde pitir sadaqasy mólsheri 370 teńge bolyp bekitilgenin atap ótti. Sonymen qatar zeket pen pitir sadaqasyn onlaın rejımde berýge bolatynyn jetkizdi.